TuTa jo aasman se wo tara nahin hun main

TuuTā jo āsmāñ se vo taarā nahīñ huuñ maiñ

jugnū huuñ dasht-e-ġham kā añdherā nahīñ huuñ maiñ

shāyad ki baiThe baiThe maiñ patthar meñ Dhal ga.ī

kyā dekhte haiñ log tamāshā nahīñ huuñ maiñ

parchhā.īñ kī tarah se vo rahtā hai ās-pās

tanhā.iyo yuuñ kahne ko tanhā nahīñ huuñ maiñ

barbād kar ke mujh ko sitamgar milegā kyā

insāñ huuñ koī sañg kā TukḌā nahīñ huuñ maiñ

ai zindagī se khelne vaalo ye jaan lo

khelo na mujh se koī khilaunā nahīñ huuñ maiñ

yuuñ jān-o-rūh karb-e-musalsal ke haiñ shikār

zinda huuñ dekhne ko ye zinda nahīñ huuñ maiñ

uTThegī kab karam kī ghaTā mujh ko Dhāñpne

yārab batā de kyā tirā banda nahīñ huuñ maiñ

TuTa jo aasman se wo tara nahin hun main

jugnu hun dasht-e-gham ka andhera nahin hun main

shayad ki baiThe baiThe main patthar mein Dhal gai

kya dekhte hain log tamasha nahin hun main

parchhain ki tarah se wo rahta hai aas-pas

tanhaiyo yun kahne ko tanha nahin hun main

barbaad kar ke mujh ko sitamgar milega kya

insan hun koi sang ka TukDa nahin hun main

ai zindagi se khelne walo ye jaan lo

khelo na mujh se koi khilauna nahin hun main

yun jaan-o-ruh karb-e-musalsal ke hain shikar

zinda hun dekhne ko ye zinda nahin hun main

uTThegi kab karam ki ghaTa mujh ko Dhanpne

yarab bata de kya tera banda nahin hun main