ٹوٹا جو وہ تو شام شفق زاد ختم تھی

ٹوٹا جو وہ تو شام شفق زاد ختم تھی

سانسوں میں پھول کھلنے کی میعاد ختم تھی

کچھ یوں طلسمی جھونکوں نے آغوش میں لیا

مسمار ہوتے پیڑ کی فریاد ختم تھی

مجھ کو سنبھالتا تھا کوئی ملبۂ بدن

ورنہ مرے وجود کی بنیاد ختم تھی

شاید گئے دنوں میں بھی جینا محال تھا

ہجرت کے حادثات کی ہر یاد ختم تھی

بو باس اجڑے شہر کی پچھلے سفر میں تھی

اب کے سفر میں نکہت برباد ختم تھی

سنگین شیر اس کے کھنڈر کے تھے پہرے دار

اس پر ہی ساری عظمت اجداد ختم تھی