TuTa TuTa sa mere sath paDa tha wo bhi

TuuTā TuuTā sā mire saath paḌā thā vo bhī

mere ham-dosh havāoñ se laḌā thā vo bhī

maiñ bhī iz.hār-e-tamannā pe huā thā nādim

sar jhukā.e hue kuchh soch rahā thā vo bhī

jaane kyā baat thī bhīgā nahīñ dāman us kā

raat ḳhvāhish ke samandar meñ girā thā vo bhī

vo milā thā mirī takmīl kī ḳhātir mujh se

chand lamhoñ meñ magar TuuT gayā thā vo bhī

ajnabiyyat kī vo kyā saḳht ghaḌī aa.ī thī

mujh ko ġhairoñ kī tarah dekh rahā thā vo bhī

apnī hastī bhī havāoñ meñ kahīñ kho baiThā

ik bagūle kī tarah yuuñ to uThā thā vo bhī

TuTa TuTa sa mere sath paDa tha wo bhi

mere ham-dosh hawaon se laDa tha wo bhi

main bhi izhaar-e-tamanna pe hua tha nadim

sar jhukae hue kuchh soch raha tha wo bhi

jaane kya baat thi bhiga nahin daman us ka

raat KHwahish ke samandar mein gira tha wo bhi

wo mila tha meri takmil ki KHatir mujh se

chand lamhon mein magar TuT gaya tha wo bhi

ajnabiyyat ki wo kya saKHt ghaDi aai thi

mujh ko ghairon ki tarah dekh raha tha wo bhi

apni hasti bhi hawaon mein kahin kho baiTha

ek bagule ki tarah yun to uTha tha wo bhi