TuTe hue diwar-o-dar ujDi hui thi meri chhat

TuuTe hue dīvār-o-dar ujḌī huī thī merī chhat

us ne kahā kyā haal hai maiñ ne kahā sab ḳhairiyat

bārāt ik aatī huī mayyat koī jaatī huī

ye zindagī hai tah-ba-tah khultī nahīñ is kī parat

chehroñ kī rangat zard sī mahfil huī kyoñ sard sī

baaqī agarche ham meñ hai ab bhī vahī tāb-o-sakat

insāñ pareshāñ dahr meñ vahshī darinde shahr meñ

yaksar badal kar rah ga.ī kaise mire shahroñ kī gat

sarmāya-dārī kā subū hai jis meñ insāñ kā lahū

is se to achchhī hai kahīñ merī ye mai piine kī lat

TuTe hue diwar-o-dar ujDi hui thi meri chhat

us ne kaha kya haal hai main ne kaha sab KHairiyat

baraat ek aati hui mayyat koi jati hui

ye zindagi hai tah-ba-tah khulti nahin is ki parat

chehron ki rangat zard si mahfil hui kyon sard si

baqi agarche hum mein hai ab bhi wahi tab-o-sakat

insan pareshan dahr mein wahshi darinde shahr mein

yaksar badal kar rah gai kaise mere shahron ki gat

sarmaya-dari ka subu hai jis mein insan ka lahu

is se to achchhi hai kahin meri ye mai pine ki lat