ٹوٹتے گرتے نگر میں سب ہوئے ناآشنا
ٹوٹتے گرتے نگر میں سب ہوئے ناآشنا
بستی بستی ڈھونڈیئے اب ایک چہرہ آشنا
یاں تو سب کو اپنی ہی پہچان دوبھر ہو چلی
اندھے بہروں کے نگر میں کون کس کا آشنا
بے بصیرت ہم تھے مانا مخلصوں کی بھیڑ میں
تم نے پہچانا کسی کو تم نے پایا آشنا
سرد مہری کی ردا اوڑھے ہوئے ہے بشر
کیا کوئی اپنا شناسا کیا کوئی ناآشنا
ہم کو سب معلوم ہے ہونے کو ہے کیا اس کے بعد
تم تماشا گر ہو صاحب ہم تماشا آشنا
کوئی تو ایسا بھی ہو ارشدؔ جسے میں کہہ سکوں
میری شخصیت کا پارکھ میرے غم کا آشنا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
