TuTte KHwab ki tabir se andaza hua

TūTte ḳhvāb kī ta.abīr se andāza huā

mujh ko shāyad zarā tāḳhīr se andāza huā

donoñ-jānib se musalmān the marne vaale

aap ko nāra-e-takbīr se andāza huā

mere purkhoñ kā makāñ mā.il-e-mismārī hai

habs meñ TūTte shahtīr se andāza huā

jhuuT ke paañv bhī hote haiñ agar tū bole

aaj mujh ko tirī taqrīr se andāza huā

aap jaadū se banā lete haiñ miTTī sonā

aap kī phailtī jāgīr se andāza huā

mere kamre meñ koī aayā nahīñ ba.ad mire

gard-ālūd sī tasvīr se andāza huā

aap to apnī ḳhushī se haiñ ġhulām ibn-e-ġhulām

aap kī qīmtī zanjīr se andāza huā

TuTte KHwab ki tabir se andaza hua

mujh ko shayad zara taKHir se andaza hua

donon-jaanib se musalman the marne wale

aap ko nara-e-takbir se andaza hua

mere purkhon ka makan mail-e-mismari hai

habs mein TuTte shahtir se andaza hua

jhuT ke panw bhi hote hain agar tu bole

aaj mujh ko teri taqrir se andaza hua

aap jadu se bana lete hain miTTi sona

aap ki phailti jagir se andaza hua

mere kamre mein koi aaya nahin baad mere

gard-alud si taswir se andaza hua

aap to apni KHushi se hain ghulam ibn-e-ghulam

aap ki qimti zanjir se andaza hua