ubur kar na saka main ghurur dariya ka

ubuur kar na sakā maiñ ġhurūr dariyā kā

hai surḳhiyoñ meñ barābar qusūr dariyā kā

kisī palak meñ namī tak nahīñ rahī baaqī

chalā gayā kahāñ chehroñ se nuur dariyā kā

har ek mauj kī hai nabz mere hāthoñ meñ

mere shu.ūr meñ zam hai shu.ūr dariyā kā

har ek harf se ik tishnagī sī ristī hai

ahāta kartī haiñ kyā ye sutūr dariyā kā

bajā nahīñ hai ki us ne Dubo diyā mujh ko

badan pe daaġh lagā hai zarūr dariyā kā

mirī anā hī banegī barasne vaalī ghaTā

ye ḳhālī kuuze se hogā zuhūr dariyā kā

ubur kar na saka main ghurur dariya ka

hai surKHiyon mein barabar qusur dariya ka

kisi palak mein nami tak nahin rahi baqi

chala gaya kahan chehron se nur dariya ka

har ek mauj ki hai nabz mere hathon mein

mere shuur mein zam hai shuur dariya ka

har ek harf se ek tishnagi si risti hai

ahata karti hain kya ye sutur dariya ka

baja nahin hai ki us ne Dubo diya mujh ko

badan pe dagh laga hai zarur dariya ka

meri ana hi banegi barasne wali ghaTa

ye KHali kuze se hoga zuhur dariya ka