uDa liye hain kuchh arbab-e-gulistan ne to kya
uḌā liye haiñ kuchh arbāb-e-gulistāñ ne to kyā
hazār sheva-e-nau haiñ mirī fuġhāñ ke liye
zamīn-e-kūcha-e-jānāñ se aa rahī hai sadā
bulandiyāñ nahīñ maḳhsūs āsmāñ ke liye
hai ḳhatm hausla-mandī vajūd-e-ādam par
satīza-e-kār hai fat.h-e-ġham-e-jahāñ ke liye
hai saḳht be-adabī gar kahe fasāna-e-ishq
har ek baat munāsib nahīñ zabāñ ke liye
añdherī raat thakī himmateñ kaḌī manzil
salāmtī kī duā maañg kārvāñ ke liye
sajā.ī fikr-e-daraḳhshāñ ne merī bazm-e-nujūm
thī muntazir ye zamīñ nāz-e-āsmāñ ke liye
uDa liye hain kuchh arbab-e-gulistan ne to kya
hazar shewa-e-nau hain meri fughan ke liye
zamin-e-kucha-e-jaanan se aa rahi hai sada
bulandiyan nahin maKHsus aasman ke liye
hai KHatm hausla-mandi wajud-e-adam par
satiza-e-kar hai fath-e-gham-e-jahan ke liye
hai saKHt be-adabi gar kahe fasana-e-ishq
har ek baat munasib nahin zaban ke liye
andheri raat thaki himmaten kaDi manzil
salamti ki dua mang karwan ke liye
sajai fikr-e-daraKHshan ne meri bazm-e-nujum
thi muntazir ye zamin naz-e-asman ke liye
Source:
Jadeed Shora-e-Urdu (Pg. 901)
- Author: Dr. Abdul Wahid
-
- Publisher: Feroz sons Printers Publishers and Stationers
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
