uDan chiz hai kya zaKHm-e-be-pari kya hai
uḌaan chiiz hai kyā zaḳhm-e-be-parī kyā hai
shajar ko kaise batā.ūñ parindagī kyā hai
ye log 'ahd-e-ġhulāmī meñ jī rahe haiñ abhī
inheñ to ye bhī batānā hai zindagī kyā hai
ye baat ġhaur-talab hai musāfiroñ ke liye
ki un kī naav se dariyā kī dushmanī kyā hai
'ajab nahīñ hai ki pūchhe ye nasl-e-ā.inda
sunā hai raushnī hotī thī raushnī kyā hai
savāl sunte hī ik shaḳhs mar gayā 'maz.har'
savāl maiñ ne kiyā thā ki ḳhāmushī kyā hai
uDan chiz hai kya zaKHm-e-be-pari kya hai
shajar ko kaise bataun parindagi kya hai
ye log 'ahd-e-ghulami mein ji rahe hain abhi
inhen to ye bhi batana hai zindagi kya hai
ye baat ghaur-talab hai musafiron ke liye
ki un ki naw se dariya ki dushmani kya hai
'ajab nahin hai ki puchhe ye nasl-e-ainda
suna hai raushni hoti thi raushni kya hai
sawal sunte hi ek shaKHs mar gaya 'mazhar'
sawal main ne kiya tha ki KHamushi kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
