udas baiTha diye zaKHm ke jalae hue

udaas baiThā diye zaḳhm ke jalā.e hue

unheñ maiñ soch rahā huuñ jo ab parā.e hue

mujhe na chhoḌ akelā junūñ ke sahrā meñ

ki rāste ye tire hī to haiñ dikhā.e hue

ghirā huā huuñ maiñ kab se jazīra-e-ġham meñ

zamāna guzrā samundar meñ mauj aa.e hue

kabhī jo naam likhā thā guloñ pe shabnam se

vo aaj dil meñ mire aag hai lagā.e hue

zamāna phuul bichhātā thā merī rāhoñ meñ

jo vaqt badlā to patthar hai ab uThā.e hue

hayā kā rañg vahī un kā mere ḳhvāb meñ bhī

dabā.e dāñtoñ meñ uñglī nazar jhukā.e hue

maiñ tum se tark-e-ta'alluq kī baat kyuuñ sochūñ

judā na jismoñ se 'anzar' kabhī bhī saa.e hue

udas baiTha diye zaKHm ke jalae hue

unhen main soch raha hun jo ab parae hue

mujhe na chhoD akela junun ke sahra mein

ki raste ye tere hi to hain dikhae hue

ghira hua hun main kab se jazira-e-gham mein

zamana guzra samundar mein mauj aae hue

kabhi jo nam likha tha gulon pe shabnam se

wo aaj dil mein mere aag hai lagae hue

zamana phul bichhata tha meri rahon mein

jo waqt badla to patthar hai ab uThae hue

haya ka rang wahi un ka mere KHwab mein bhi

dabae danton mein ungli nazar jhukae hue

main tum se tark-e-ta'alluq ki baat kyun sochun

juda na jismon se 'anzar' kabhi bhi sae hue