udas dhup se rishta bahaal karne mein

udaas dhuup se rishta bahāl karne meñ

daraḳht suukh ga.e ye kamāl karne meñ

har ek baar ġhamoñ kā mizāj badlā thā

ḳhushī se aañkh milā kar malāl karne meñ

hamārā dil bhī rahā zimmedār maan liyā

tumheñ kyoñ vaqt lagā isti.māl karne meñ

badan kī aañch saroñ par uThānī paḌtī hai

kisī charāġh se ḳhud ko mash.al karne meñ

adhūrī ḳhvāhisheñ ġhazloñ meñ Dhal ga.iiñ merī

ik aarzū ko mukammal ḳhayāl karne meñ

havā se rābta karnā paḌā sharāroñ ko

siyāh rañg ko aksar gulāl karne meñ

qusūr-vār to the hī vo be-adab bhī the

sazā.eñ bhuul ga.e jo savāl karne meñ

udas dhup se rishta bahaal karne mein

daraKHt sukh gae ye kamal karne mein

har ek bar ghamon ka mizaj badla tha

KHushi se aankh mila kar malal karne mein

hamara dil bhi raha zimmedar man liya

tumhein kyon waqt laga istimal karne mein

badan ki aanch saron par uThani paDti hai

kisi charagh se KHud ko mashal karne mein

adhuri KHwahishen ghazlon mein Dhal gain meri

ek aarzu ko mukammal KHayal karne mein

hawa se rabta karna paDa shararon ko

siyah rang ko aksar gulal karne mein

qusur-war to the hi wo be-adab bhi the

sazaen bhul gae jo sawal karne mein