udas raat ko mahkaen koi chaara karen

udaas raat ko mahkā.eñ koī chārā kareñ

ḳhayāl-e-yār ko ḳhushbū kā isti.ārā kareñ

balā kī tīrgī hai chashm-e-māh ko socheñ

shuā-e-ḳhvāb tarah-dār ko sitārā kareñ

mahak rutoñ kī bulā.e tasarrufoñ kī taraf

kaTīle taar magar aur hī ishārā kareñ

ḳhizāñ ke din kisī piile pahāḌ jaise din

shaguft gul tirī ummīd par guzārā kareñ

hamāre ishq ke surḳhāb par vo itrā.e

havās-jāñ meñ ham us kī nazar utārā kareñ

tirā hī naam nikaltā hai har tarīqe se

kisī bhī tarah mohabbat kā istiḳhārā kareñ

ye dasht-o-ḳhār ye shahr-o-gulāb sab tere

shabāna roz tire lutf ko nihārā kareñ

udas raat ko mahkaen koi chaara karen

KHayal-e-yar ko KHushbu ka istiara karen

bala ki tirgi hai chashm-e-mah ko sochen

shua-e-KHwab tarah-dar ko sitara karen

mahak ruton ki bulae tasarrufon ki taraf

kaTile tar magar aur hi ishaara karen

KHizan ke din kisi pile pahaD jaise din

shaguft gul teri ummid par guzara karen

hamare ishq ke surKHab par wo itrae

hawas-jaan mein hum us ki nazar utara karen

tera hi nam nikalta hai har tariqe se

kisi bhi tarah mohabbat ka istiKHara karen

ye dasht-o-KHar ye shahr-o-gulab sab tere

shabana roz tere lutf ko nihaara karen