udas raaten udas mausam rula rahe the to tum kahan the

udaas rāteñ udaas mausam rulā rahe the to tum kahāñ the

hamāre zaḳhmoñ ko ham hī marham lagā rahe the to tum kahāñ the

bichhaḌ rahe the jo ham se tum yuuñ suno ye bīnā.ī ghaT rahī thī

ham ek muddat se ḳhāk-e-sahrā uḌā rahe the to tum kahāñ the

har ek qatra hī le rahā thā ye naam terā udaas shab meñ

hamāre aañsū ye haal dil kā sunā rahe the to tum kahāñ the

hameñ bulāne ab aa rahe ho jo koh-o-sahrā ke ho ga.e ham

vo sard rāteñ judā.ī ke ġham satā rahe the to tum kahāñ the

bichhaḌ rahe ho to jism se tum nikāl pheñkūñ ye ruuh merī

tamām rāteñ hī jaag kar yuuñ bulā rahe the to tum kahāñ the

tumhārī yādoñ kā saarā dariyā ye saarī kashtī ye saare mausam

ubalte ashkoñ se saarā dukh jab batā rahe the to tum kahāñ the

hameñ ḳhizāñ raas aa ga.ī hai to ab bahāroñ kā kyā kareñge

ham apnī tanhā.ī duur karne bulā rahe the to tum kahāñ the

tamām shab intizār karnā falak ke taare shumār karnā

ġham-e-judā.ī meñ jashn-e-furqat manā rahe the to tum kahāñ the

batāo 'arpit' purānī bātoñ ko yaad kar ke hai kaisā ronā

tamām hī 'umr yaad mujh ko tum aa rahe the to tum kahāñ the

udas raaten udas mausam rula rahe the to tum kahan the

hamare zaKHmon ko hum hi marham laga rahe the to tum kahan the

bichhaD rahe the jo hum se tum yun suno ye binai ghaT rahi thi

hum ek muddat se KHak-e-sahra uDa rahe the to tum kahan the

har ek qatra hi le raha tha ye nam tera udas shab mein

hamare aansu ye haal dil ka suna rahe the to tum kahan the

hamein bulane ab aa rahe ho jo koh-o-sahra ke ho gae hum

wo sard raaten judai ke gham sata rahe the to tum kahan the

bichhaD rahe ho to jism se tum nikal phenkun ye ruh meri

tamam raaten hi jag kar yun bula rahe the to tum kahan the

tumhaari yaadon ka sara dariya ye sari kashti ye sare mausam

ubalte ashkon se sara dukh jab bata rahe the to tum kahan the

hamein KHizan ras aa gai hai to ab bahaaron ka kya karenge

hum apni tanhai dur karne bula rahe the to tum kahan the

tamam shab intizar karna falak ke tare shumar karna

gham-e-judai mein jashn-e-furqat mana rahe the to tum kahan the

batao 'arpit' purani baaton ko yaad kar ke hai kaisa rona

tamam hi 'umr yaad mujh ko tum aa rahe the to tum kahan the