udasi ka ye patthar aansuon se nam nahin hota
udāsī kā ye patthar āñsuoñ se nam nahīñ hotā
hazāroñ jugnuoñ se bhī añdherā kam nahīñ hotā
kabhī barsāt meñ shādāb beleñ suukh jaatī haiñ
hare peḌoñ ke girne kā koī mausam nahīñ hotā
bahut se log dil ko is tarah mahfūz rakhte haiñ
koī bārish ho ye kāġhaz zarā bhī nam nahīñ hotā
bichhaḌte vaqt koī bad-gumānī dil meñ aa jaatī
use bhī ġham nahīñ hotā mujhe bhī ġham nahīñ hotā
ye aañsū haiñ inheñ phūloñ meñ shabnam kī tarah rakhnā
ġhazal ehsās hai ehsās kā mātam nahīñ hotā
udasi ka ye patthar aansuon se nam nahin hota
hazaron jugnuon se bhi andhera kam nahin hota
kabhi barsat mein shadab belen sukh jati hain
hare peDon ke girne ka koi mausam nahin hota
bahut se log dil ko is tarah mahfuz rakhte hain
koi barish ho ye kaghaz zara bhi nam nahin hota
bichhaDte waqt koi bad-gumani dil mein aa jati
use bhi gham nahin hota mujhe bhi gham nahin hota
ye aansu hain inhen phulon mein shabnam ki tarah rakhna
ghazal ehsas hai ehsas ka matam nahin hota
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
