udasiyon ka hamein aasra shurua se hai

udāsiyoñ kā hameñ aasrā shurūa se hai

ye āriza hai to phir āriza shurūa se hai

vo puurā sach hai to us kī gavāhī aadhī kyuuñ

use ḳhudā se yahī to gilā shurūa se hai

kisī ke rañg ke marhūn haiñ na lahje ke

ki ham meñ jo bhī hai achchhā burā shurūa se hai

na tum ne pūchhā kabhī aur na ham ne batlāyā

vagarna ghar kā yahī rāsta shurūa se hai

tumheñ to aaj zamāne ne rad kiyā hai magar

hamāre saath yahī mas.ala shurūa se hai

ḳhudā kā zikr huā hai to yaad aayā hai

hamāre paas to apnā ḳhudā shurūa se hai

hamārī aañkh meñ ik ḳhvāb hai tumhāre liye

magar ye shart hai vo dekhnā shurūa se hai

ham apne apne nasīboñ kī dūriyoñ pe khaḌe

hamāre beach koī fāsla shurūa se hai

udasiyon ka hamein aasra shurua se hai

ye aariza hai to phir aariza shurua se hai

wo pura sach hai to us ki gawahi aadhi kyun

use KHuda se yahi to gila shurua se hai

kisi ke rang ke marhun hain na lahje ke

ki hum mein jo bhi hai achchha bura shurua se hai

na tum ne puchha kabhi aur na hum ne batlaya

wagarna ghar ka yahi rasta shurua se hai

tumhein to aaj zamane ne rad kiya hai magar

hamare sath yahi masala shurua se hai

KHuda ka zikr hua hai to yaad aaya hai

hamare pas to apna KHuda shurua se hai

hamari aankh mein ek KHwab hai tumhaare liye

magar ye shart hai wo dekhna shurua se hai

hum apne apne nasibon ki duriyon pe khaDe

hamare beach koi fasla shurua se hai