اداسیوں کی راہ پر سنبھل نہیں سکا تو کیا

اداسیوں کی راہ پر سنبھل نہیں سکا تو کیا

میں وحشتوں کے دور سے نکل نہیں سکا تو کیا

تمہیں تو میری بے بسی پہ لطف آ گیا تھا نا

میں بیڑیوں کی دھن پہ خود مچل نہیں سکا تو کیا

شب وصال یار اس کا پیرہن نہیں کھلا

وہ موم میرے ہاتھ پر پگھل نہیں سکا تو کیا

کئی گھروں میں روشنی کا میں سبب بنا رہا

میں زندگی کے بام پر جو جل نہیں سکا تو کیا

بھلا سبھی کو کب ملی ہیں خوشبوئیں پسند کی

میں فیصلے نصیب کے بدل نہیں سکا تو کیا