udasiyon mein bhi raste nikal leta hai
udāsiyoñ meñ bhī raste nikāl letā hai
ajiib dil hai girūñ to sambhāl letā hai
ye kaisā shaḳhs hai kitnī hī achchhī baat kaho
koī burā.ī kā pahlū nikāl letā hai
Dhale to hotī hai kuchh aur ehtiyāt kī umr
ki bahte bahte ye dariyā uchhāl letā hai
baḌe-baḌoñ kī tarah-dāriyāñ nahīñ chaltīñ
uruuj terī ḳhabar jab zavāl letā hai
jab us ke jaam meñ ik buuñd tak nahīñ hotī
vo merī pyaas ko phir bhī sambhāl letā hai
udasiyon mein bhi raste nikal leta hai
ajib dil hai girun to sambhaal leta hai
ye kaisa shaKHs hai kitni hi achchhi baat kaho
koi burai ka pahlu nikal leta hai
Dhale to hoti hai kuchh aur ehtiyat ki umr
ki bahte bahte ye dariya uchhaal leta hai
baDe-baDon ki tarah-dariyan nahin chaltin
uruj teri KHabar jab zawal leta hai
jab us ke jam mein ek bund tak nahin hoti
wo meri pyas ko phir bhi sambhaal leta hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
