uDaun na kyun tar-tar-e-gareban

uḌā.ūñ na kyuuñ tār-tār-e-garebāñ

ki parda-darī hai shi.ār-e-garebāñ

har ik taar hai dast-gīr-e-tamāshā

kiyā zo.af ne sharmsār-e-garebāñ

katān-o-gul-o-sīna-e-ahl-e-hasrat

bahut chiiz haiñ yādgār-e-garebāñ

agar dushmanī baḳhiya-gar ko nahīñ

to kyuuñ is qadar dost-dār-e-garebāñ

yahīñ qaid-e-rasm ḳhalā.iq pasand

har ik saañs hai ḳhār-ḳhār-e-garebāñ

vafā hai mirī pesh-dast-e-salāsil

tirā parda hai pesh-kār-e-garebāñ

ye uḌne meñ chālāk har paara hai

ram-e-dasht-e-vahshat shikār-e-garebāñ

kabhī koh meñ dasht meñ hai kabhī

nahīñ kuchh gulū par madār-e-garebāñ

'qalaq' kyuuñ ke parda na uThtā hamārā

ki hai baḳhiya-gar rāz-dār-e-garebāñ

uDaun na kyun tar-tar-e-gareban

ki parda-dari hai shiar-e-gareban

har ek tar hai dast-gir-e-tamasha

kiya zoaf ne sharmsar-e-gareban

katan-o-gul-o-sina-e-ahl-e-hasrat

bahut chiz hain yaadgar-e-gareban

agar dushmani baKHiya-gar ko nahin

to kyun is qadar dost-dar-e-gareban

yahin qaid-e-rasm KHalaiq pasand

har ek sans hai KHar-KHar-e-gareban

wafa hai meri pesh-dast-e-salasil

tera parda hai pesh-kar-e-gareban

ye uDne mein chaalak har para hai

ram-e-dasht-e-wahshat shikar-e-gareban

kabhi koh mein dasht mein hai kabhi

nahin kuchh gulu par madar-e-gareban

'qalaq' kyun ke parda na uThta hamara

ki hai baKHiya-gar raaz-dar-e-gareban