uDe hain kucha-e-dilbar mein jaan se guzre

uḌe haiñ kūcha-e-dilbar meñ jaan se guzre

ye jaan kyā hai ki donoñ jahān se guzre

agar vo hosh-rubā sar-basar jo ho mahkūm

to hai qasam ki har ik aan maan se guzre

basantī posh karūñ haa.e re maiñ āñkhoñ se

tū zer-e-chashm agar ḳhūñ-fishān se guzre

qasam hai tuj ko chhiḌakvā ke jam hī jāvegā

jo rang qatra-e-āb-e-chakān se guzre

nahīñ ḳhabar tujhe nāseh ki ham ga.e kaañ tak

tire to aql-o-qayās-o-gumān se guzre

maiñ ik kashish meñ pahuñch jā.ūñ yaar tak apne

jo tiir chhūT ke jaisā kamān se guzre

jo chhar-chhaḌā ke dil-e-lā-makāñ kare parvāz

tavaqqo' hai ki navoñ āsmān se guzre

ḳhayāl-e-yār kā tausan hai ḳhush-ḳhirām mirā

ḳhudā kabhī na kare zer-e-rān se guzre

agar nasīb hī ho jaa.e faqr kā mujhe faḳhr

to zindagī mirī kyā izz-o-shān se guzre

suḳhan haiñ halqa-e-misrā meñ jyuuñ dur-e-shahvār

hai ye rijā ki qadar-dāñ ke kaan se guzre

ai 'imtiyāz' tū ho zā.er-e-madīna haram

to kyā surūr-o-ḳhushī aan aan se guzre

uDe hain kucha-e-dilbar mein jaan se guzre

ye jaan kya hai ki donon jahan se guzre

agar wo hosh-ruba sar-basar jo ho mahkum

to hai qasam ki har ek aan man se guzre

basanti posh karun hae re main aankhon se

tu zer-e-chashm agar KHun-fishan se guzre

qasam hai tuj ko chhiDakwa ke jam hi jawega

jo rang qatra-e-ab-e-chakan se guzre

nahin KHabar tujhe naseh ki hum gae kan tak

tere to aql-o-qayas-o-guman se guzre

main ek kashish mein pahunch jaun yar tak apne

jo tir chhuT ke jaisa kaman se guzre

jo chhar-chhaDa ke dil-e-la-makan kare parwaz

tawaqqo' hai ki nawon aasman se guzre

KHayal-e-yar ka tausan hai KHush-KHiram mera

KHuda kabhi na kare zer-e-ran se guzre

agar nasib hi ho jae faqr ka mujhe faKHr

to zindagi meri kya izz-o-shan se guzre

suKHan hain halqa-e-misra mein jyun dur-e-shahwar

hai ye rija ki qadar-dan ke kan se guzre

ai 'imtiyaz' tu ho zaer-e-madina haram

to kya surur-o-KHushi aan aan se guzre