udhar falak pe koi din nikalne wala tha

udhar falak pe koī din nikalne vaalā thā

idhar ye dil ki udāsī meñ Dhalne vaalā thā

bahā ke le ga.iiñ mujh ko chalo ye maujeñ hī

maiñ ḳhud-kushī kā irāda badalne vaalā thā

vo sub.h-e-'ishq ka.ī ratjagoñ kā hāsil thī

mire nasīb kā sūraj nikalne vaalā thā

tire fareb meñ aanā to merī marzī thī

maiñ jāntā thā tirā husn chhalne vaalā thā

dinoñ ke baa'd baḌā ḳhush-gavār thā mausam

qafas se koī parinda nikalne vaalā thā

maiñ un nigāhoñ se bachne kī kyā du'ā kartā

ye hādsa bhī kabhī sar se Talne vaalā thā

nigāh pher lī us ne hī vaqt par varna

maiñ un charāġh sī āñkhoñ meñ jalne vaalā thā

udhar falak pe koi din nikalne wala tha

idhar ye dil ki udasi mein Dhalne wala tha

baha ke le gain mujh ko chalo ye maujen hi

main KHud-kushi ka irada badalne wala tha

wo subh-e-'ishq kai ratjagon ka hasil thi

mere nasib ka suraj nikalne wala tha

tere fareb mein aana to meri marzi thi

main jaanta tha tera husn chhalne wala tha

dinon ke ba'd baDa KHush-gawar tha mausam

qafas se koi parinda nikalne wala tha

main un nigahon se bachne ki kya du'a karta

ye hadsa bhi kabhi sar se Talne wala tha

nigah pher li us ne hi waqt par warna

main un charagh si aankhon mein jalne wala tha