udhar mazhab idhar insan ki fitrat ka taqaza hai

Josh Malihabadi

udhar mazhab idhar insan ki fitrat ka taqaza hai

Josh Malihabadi

MORE BYJosh Malihabadi

    udhar maz.hab idhar insāñ fitrat taqāzā hai

    vo dāmān-e-mah-e-kan.āñ hai ye dast-e-zuleḳhā hai

    idhar terī mashiyyat hai udhar hikmat rasūloñ

    ilāhī aadmī ke baab meñ kyā hukm hotā hai

    ye maanā donoñ dhoke haiñ rindī ho ki darveshī

    magar ye dekhnā hai kaun rañgīn dhokā hai

    khilaunā to nihāyat shoḳh o rañgīñ hai tamaddun

    muārrif maiñ bhī huuñ lekin khilaunā phir khilaunā hai

    mire aage to ab kuchh din se har aañsū mohabbat

    kanār-e-āb-e-ruknābād o gulgasht-e-musallā hai

    mujhe mālūm hai jo kuchh tamannā hai rasūloñ

    magar kyā dar-haqīqat vo ḳhudā bhī tamannā hai

    mashiyyat khelnā zebā nahīñ merī basīrat se

    uThā le in khilaunoñ ko ye duniyā hai vo uqbā hai

    udhar mazhab idhar insan ki fitrat ka taqaza hai

    wo daman-e-mah-e-kanan hai ye dast-e-zuleKHa hai

    idhar teri mashiyyat hai udhar hikmat rasulon ki

    ilahi aadmi ke bab mein kya hukm hota hai

    ye mana donon hi dhoke hain rindi ho ki darweshi

    magar ye dekhna hai kaun sa rangin dhoka hai

    khilauna to nihayat shoKH o rangin hai tamaddun ka

    muarrif main bhi hun lekin khilauna phir khilauna hai

    mere aage to ab kuchh din se har aansu mohabbat ka

    kanar-e-ab-e-ruknabaad o gulgasht-e-musalla hai

    mujhe malum hai jo kuchh tamanna hai rasulon ki

    magar kya dar-haqiqat wo KHuda ki bhi tamanna hai

    mashiyyat khelna zeba nahin meri basirat se

    uTha le in khilaunon ko ye duniya hai wo uqba hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY