udhar ruki hui hai raat jugnuon ka raqs hai

udhar rukī huī hai raat jugnuoñ kā raqs hai

idhar nadī ke husn par siyāhiyoñ kā raqs hai

chhipī huī hai chāñdnī safed bādaloñ ke biich

sukūt kī imāratoñ pe bijliyoñ kā raqs hai

utartī tairtī nazar ye yād-e-yār kā safar

isī ḳhalā ke darmiyān azdahoñ kā raqs hai

jahāñ se ḳhatm ho rahī vahīñ se phir banī na.ī

mirī ujaaḌ fikr meñ tabāhiyoñ kā raqs hai

na.ī rutoñ kī mauj meñ purāne ġham kī dāstāñ

so kuchh nayā nahīñ hai dost zāviyoñ kā raqs hai

udhar ruki hui hai raat jugnuon ka raqs hai

idhar nadi ke husn par siyahiyon ka raqs hai

chhipi hui hai chandni safed baadalon ke bich

sukut ki imaraton pe bijliyon ka raqs hai

utarti tairti nazar ye yaad-e-yar ka safar

isi KHala ke darmiyan azdahon ka raqs hai

jahan se KHatm ho rahi wahin se phir bani nai

meri ujaD fikr mein tabahiyon ka raqs hai

nai ruton ki mauj mein purane gham ki dastan

so kuchh naya nahin hai dost zawiyon ka raqs hai