udhar se aae to phir lauT kar nahin gae hum

udhar se aa.e to phir lauT kar nahīñ ga.e ham

pukārtī rahī duniyā magar nahīñ ga.e ham

agarche ḳhaak hamārī bahut huī pāmāl

ba-rañg-e-naqsh-e-kaf-e-pā ubhar nahīñ ga.e ham

husūl kuchh na huā juz ġhubār-e-hairānī

kahāñ kahāñ tirī āvāz par nahīñ ga.e ham

manā rahe the vahāñ log jashn-e-be-ḳhvābī

yahāñ the ḳhvāb bahut so udhar nahīñ ga.e ham

chaḌhā huā thā vo dariyā agar hamāre liye

to dekhte hī rahe kyuuñ utar nahīñ ga.e ham

udhar se aae to phir lauT kar nahin gae hum

pukarti rahi duniya magar nahin gae hum

agarche KHak hamari bahut hui pamal

ba-rang-e-naqsh-e-kaf-e-pa ubhar nahin gae hum

husul kuchh na hua juz ghubar-e-hairani

kahan kahan teri aawaz par nahin gae hum

mana rahe the wahan log jashn-e-be-KHwabi

yahan the KHwab bahut so udhar nahin gae hum

chaDha hua tha wo dariya agar hamare liye

to dekhte hi rahe kyun utar nahin gae hum