uf adaen dikha rahi hain wo

uf adā.eñ dikhā rahī haiñ vo

muskurā kar satā rahī haiñ vo

ham faqīro kī apne kūche meñ

ek mahfil sajā rahī haiñ vo

kab se nazreñ bachā.e baiThe haiñ

ye ḳhabar hai ki aa rahī haiñ vo

hai gahan chāñd ko lagā dekhā

ruḳh se parda uThā rahī haiñ vo

saare aalam meñ phailī bechainī

zulf bikhrā.e jā rahī haiñ vo

zulf māthe pe badliyāñ jaise

abr sī bantī jā rahī haiñ vo

ham asīr-e-nigāh-e-nāz hue

kaahe āñkheñ milā rahī haiñ vo

tirchhī nazroñ se mere shāne par

zaḳhm-e-kārī lagā rahī haiñ vo

merā sabr-o-qarār chhīn liyā

kyā sitam hai ki Dhā rahī haiñ vo

sar ko apne 'farāz' ḳham kar deñ

sajda-e-rab meñ jā rahī haiñ vo

uf adaen dikha rahi hain wo

muskura kar sata rahi hain wo

hum faqiro ki apne kuche mein

ek mahfil saja rahi hain wo

kab se nazren bachae baiThe hain

ye KHabar hai ki aa rahi hain wo

hai gahan chand ko laga dekha

ruKH se parda uTha rahi hain wo

sare aalam mein phaili bechaini

zulf bikhrae ja rahi hain wo

zulf mathe pe badliyan jaise

abr si banti ja rahi hain wo

hum asir-e-nigah-e-naz hue

kahe aankhen mila rahi hain wo

tirchhi nazron se mere shane par

zaKHm-e-kari laga rahi hain wo

mera sabr-o-qarar chhin liya

kya sitam hai ki Dha rahi hain wo

sar ko apne 'faraaz' KHam kar den

sajda-e-rab mein ja rahi hain wo