uf re ubhaar uf re zamana uThan ka

uf re ubhār uf re zamāna uThān kā

kal baam par the aaj hai qasd āsmān kā

ronā likhā nasīb meñ hai apnī jaan kā

shikvā na aap kā na gilā āsmān kā

bāzār meñ bhī chalte haiñ koThoñ ko dekhte

saudā ḳharīdte haiñ to ūñchī dukān kā

ye bhī ḳhudā kī shaan ham ab aise ho ga.e

saayā bhī bhāgtā hai tumhāre makān kā

kyuuñ ġham-nasīb dil ko burā kah rahe ho tum

kyuuñ sabr le rahe ho kisī be-zabān kā

vaa.iz sharāb-ḳhāne meñ kholegā kyā zabāñ

ham ḳhuub jānte haiñ vo Tarrā hai thaan kā

ham jām-e-mai ke bhī lab-e-tar chūste nahīñ

chaskā paḌā huā hai tumhārī zabān kā

maiñ dil kī vārdāt to kahne ko kah chalūñ

kis ko yaqīn aa.egā mere bayān kā

ye to kahā tujhe ho lahū thūknā nasīb

tum ne kabhī diyā koī TukḌā bhī paan kā

maiñ jā.ūñ yā na jā.ūñ unheñ le ke baam par

badlā huā hai rañg bahut āsmān kā

afsāna tum ne qais kā shāyad sunā nahīñ

TukḌā hai ek vo bhī mirī dāstān kā

ab koī siina chiir ke rakh le ki dil banā.e

āveza gir paḌā hai koī un ke kaan kā

aayā jo ġhair-lutf bahut der tak rahā

badlā thā maiñ ne bhes tire pāsbān kā

duniyā kī paḌ rahī haiñ nigāheñ 'riyāz' par

kis vaz.a kā javān hai kis ān-bān kā

uf re ubhaar uf re zamana uThan ka

kal baam par the aaj hai qasd aasman ka

rona likha nasib mein hai apni jaan ka

shikwa na aap ka na gila aasman ka

bazar mein bhi chalte hain koThon ko dekhte

sauda KHaridte hain to unchi dukan ka

ye bhi KHuda ki shan hum ab aise ho gae

saya bhi bhagta hai tumhaare makan ka

kyun gham-nasib dil ko bura kah rahe ho tum

kyun sabr le rahe ho kisi be-zaban ka

waiz sharab-KHane mein kholega kya zaban

hum KHub jaante hain wo Tarra hai than ka

hum jam-e-mai ke bhi lab-e-tar chuste nahin

chaska paDa hua hai tumhaari zaban ka

main dil ki wardat to kahne ko kah chalun

kis ko yaqin aaega mere bayan ka

ye to kaha tujhe ho lahu thukna nasib

tum ne kabhi diya koi TukDa bhi pan ka

main jaun ya na jaun unhen le ke baam par

badla hua hai rang bahut aasman ka

afsana tum ne qais ka shayad suna nahin

TukDa hai ek wo bhi meri dastan ka

ab koi sina chir ke rakh le ki dil banae

aaweza gir paDa hai koi un ke kan ka

aaya jo ghair-lutf bahut der tak raha

badla tha main ne bhes tere pasban ka

duniya ki paD rahi hain nigahen 'riyaz' par

kis waza ka jawan hai kis aan-ban ka