ufuq ko surKH kiya aasman zard kiya

ufuq ko surḳh kiyā āsmān zard kiyā

bahā.e ashk to sūraj Dubo ke sard kiyā

sināñ kī nok pe lā kar rakhe mah-o-mirrīḳh

phir us ke baa'd sitāroñ ko gard gard kiyā

jo ruḳh badal ke parī-zād ne paḌhā mantar

palak jhapakte meñ ik sabz baaġh zard kiyā

tilism-e-qulzum-o-asvad ko toḌ kar us ne

paḌāo apnā sar-e-koh-e-lāj-vard kiyā

bas ek jast zamīnī jihāt toḌ ga.ī

aur ik qadam ne use āsmāñ-navard kiyā

'ajab ghaḌī thī ki jamne lagā ragoñ meñ lahū

jo be-dilī ne hameñ teġh-e-be-nabard kiyā

ufuq ko surKH kiya aasman zard kiya

bahae ashk to suraj Dubo ke sard kiya

sinan ki nok pe la kar rakhe mah-o-mirriKH

phir us ke ba'd sitaron ko gard gard kiya

jo ruKH badal ke pari-zad ne paDha mantar

palak jhapakte mein ek sabz bagh zard kiya

tilism-e-qulzum-o-aswad ko toD kar us ne

paDao apna sar-e-koh-e-laj-ward kiya

bas ek jast zamini jihat toD gai

aur ek qadam ne use aasman-naward kiya

'ajab ghaDi thi ki jamne laga ragon mein lahu

jo be-dili ne hamein tegh-e-be-nabard kiya