ujale tel chhiDakne lage ujalon par

ujāle tel chhiḌakne lage ujāloñ par

'ajīb vaqt paḌā hai charāġh vāloñ par

tumhārā ālam-e-mastī Dhakā-chhupā hī sahī

mirī nigāh hai TuuTe hue piyāloñ par

tumhāre zehn meñ jo aaj chubh rahe hoñge

maiñ kal se soch rahā huuñ unhīñ savāloñ par

na uTh sakā tire tarz-e-ḳhirām se parda

havā.eñ Daal ga.iiñ ḳhaak pā.emāloñ par

muhākama na kareñ aap apnī bātoñ kā

ye kaam chhoḌ diyā jaa.e sunñe vāloñ par

musallimāt se kyuuñ qasd-e-inhirāf kyā

‘aqīde TuuT paḌe haiñ mire savāloñ par

ye kyā zarūr ki ruḳh sab kā ek jānib ho

fazā kī qaid lagāo na uḌne vāloñ par

ujale tel chhiDakne lage ujalon par

'ajib waqt paDa hai charagh walon par

tumhaara aalam-e-masti Dhaka-chhupa hi sahi

meri nigah hai TuTe hue piyalon par

tumhaare zehn mein jo aaj chubh rahe honge

main kal se soch raha hun unhin sawalon par

na uTh saka tere tarz-e-KHiram se parda

hawaen Dal gain KHak paemalon par

muhakama na karen aap apni baaton ka

ye kaam chhoD diya jae sunne walon par

musallimat se kyun qasd-e-inhiraf kya

‘aqide TuT paDe hain mere sawalon par

ye kya zarur ki ruKH sab ka ek jaanib ho

faza ki qaid lagao na uDne walon par