ujaD kar bhi nishan-e-gulsitan KHud ko samajhta hun

ujaḌ kar bhī nishān-e-gulsitāñ ḳhud ko samajhtā huuñ

lahū detā huuñ is ko bāġhbāñ ḳhud ko samajhtā huuñ

kamāl-e-sher rakhtā huuñ javāñ ḳhud ko samajhtā huuñ

hamesha se junūñ kā rāz-dāñ ḳhud ko samajhtā huuñ

sadā maiñ dil kī suntā huuñ to kartā bhī huuñ man-mānī

vo nādāñ huuñ ki phir vaj.h-e-ziyāñ ḳhud ko samajhtā huuñ

nikālā mujh ko jannat se ḳhudā kī mehrbānī ne

lihāzā aaj tak ḳhuld-āshiyāñ ḳhud ko samajhtā huuñ

maiñ zinda huuñ hazāroñ zaḳhm khā kar bhī mohabbat meñ

na jaane kyuuñ maiñ apnā mehrbāñ ḳhud ko samajhtā huuñ

huuñ vāris qais kā aur asr kī lailā kā huuñ āshiq

zamāne meñ vafā kī dāstāñ ḳhud ko samajhtā huuñ

banā kar shāḳh-e-nāzuk par nasheman chaar tinkoñ kā

chaman meñ sirf ahl-e-āshiyāñ ḳhud ko samajhtā huuñ

maiñ apnī maut se Dartā nahīñ huuñ is liye 'jāmī'

sadā āzād zer-e-āsmāñ ḳhud ko samajhtā huuñ

mire ash.ār ḳhud hī haiñ mirā nām-o-nishāñ 'jāmī'

magar maiñ to tirā nām-o-nishāñ ḳhud ko samajhtā huuñ

ujaD kar bhi nishan-e-gulsitan KHud ko samajhta hun

lahu deta hun is ko baghban KHud ko samajhta hun

kamal-e-sher rakhta hun jawan KHud ko samajhta hun

hamesha se junun ka raaz-dan KHud ko samajhta hun

sada main dil ki sunta hun to karta bhi hun man-mani

wo nadan hun ki phir wajh-e-ziyan KHud ko samajhta hun

nikala mujh ko jannat se KHuda ki mehrbani ne

lihaza aaj tak KHuld-ashiyan KHud ko samajhta hun

main zinda hun hazaron zaKHm kha kar bhi mohabbat mein

na jaane kyun main apna mehrban KHud ko samajhta hun

hun waris qais ka aur asr ki laila ka hun aashiq

zamane mein wafa ki dastan KHud ko samajhta hun

bana kar shaKH-e-nazuk par nasheman chaar tinkon ka

chaman mein sirf ahl-e-ashiyan KHud ko samajhta hun

main apni maut se Darta nahin hun is liye 'jami'

sada aazad zer-e-asman KHud ko samajhta hun

mere ashaar KHud hi hain mera nam-o-nishan 'jami'

magar main to tera nam-o-nishan KHud ko samajhta hun