ujDe dil-o-dimagh ko aabaad kar sakun

ujḌe dil-o-dimāġh ko ābād kar sakūñ

aisā to kuchh kiyā nahīñ jo yaad kar sakūñ

āḳhir ko aadmī huuñ kabhī chāhtā hai dil

ḳhud ko tire ḳhayāl se āzād kar sakūñ

khole zabān vo jo use jāntā na ho

merā to muñh nahīñ hai ki fariyād kar sakūñ

ik umr kaT ga.ī magar ab tak hai justujū

din kāTne kā fan koī ījād kar sakūñ

apne hī ġham ġhalat hoñ suḳhan se bahut hai ye

aisā hunar kahāñ ki ise shaad kar sakūñ

barbād ho ke lauTne vaalā huuñ maiñ 'suhail'

aayā thā yuuñ ki dahr ko ābād kar sakūñ

ujDe dil-o-dimagh ko aabaad kar sakun

aisa to kuchh kiya nahin jo yaad kar sakun

aaKHir ko aadmi hun kabhi chahta hai dil

KHud ko tere KHayal se aazad kar sakun

khole zaban wo jo use jaanta na ho

mera to munh nahin hai ki fariyaad kar sakun

ek umr kaT gai magar ab tak hai justuju

din kaTne ka fan koi ijad kar sakun

apne hi gham ghalat hon suKHan se bahut hai ye

aisa hunar kahan ki ise shad kar sakun

barbaad ho ke lauTne wala hun main 'suhail'

aaya tha yun ki dahr ko aabaad kar sakun