ujDe makan ka kha gai jalta hua diya

ujḌe makāñ kā khā ga.ī jaltā huā diyā

milnā paḌegā tujh se mujhe sar-phirī havā

apne ta.alluqāt to kab ke hue tamām

kahne ko rah gayā hai batāo ab aur kyā

to chāhtā yahī thā ki milne na paa.eñ ham

āḳhir ko ho ga.ī hai tirī surḳh-rū duā

phir kyoñ na aaj se hī raheñ duur duur ham

āḳhir kabhī to honā paḌegā hameñ judā

mahfil meñ duur is liye baiThī huuñ aap se

merā vajūd aap ko lagtā hai kuchh burā

ujDe makan ka kha gai jalta hua diya

milna paDega tujh se mujhe sar-phiri hawa

apne talluqat to kab ke hue tamam

kahne ko rah gaya hai batao ab aur kya

to chahta yahi tha ki milne na paen hum

aaKHir ko ho gai hai teri surKH-ru dua

phir kyon na aaj se hi rahen dur dur hum

aaKHir kabhi to hona paDega hamein juda

mahfil mein dur is liye baiThi hun aap se

mera wajud aap ko lagta hai kuchh bura