الجھ کر خود میں ہی اک دن یہ دھاگا ٹوٹ جائے گا

الجھ کر خود میں ہی اک دن یہ دھاگا ٹوٹ جائے گا

زبردستی نبھانے سے بھی رشتہ ٹوٹ جائے گا

ہوا کیا تھا ہمارے ساتھ کہنے میں ہے جوکھم یہ

بتاتے وقت پھر سے دل دوبارہ ٹوٹ جائے گا

پریشاں غم سے ہو کر خود کشی ہوگی کسی کی اور

کبھی غم خودکشی کر لیں گے اتنا ٹوٹ جائے گا

نئے کردار کی ہو ابتدا بس اس لیے اک دن

کہ شاخ زندگی سے کوئی پتا ٹوٹ جائے گا

ہزاروں دل ہیں بے رحمی سے توڑے جس سے اے قسمت

ہمارے دل سے مل کر وہ ہتھوڑا ٹوٹ جائے گا