ulfat mein aisi laghzish-e-mastana chahiye

ulfat meñ aisī laġhzish-e-mastāna chāhiye

dar par tire gireñ to sambhalnā na chāhiye

hai ālam-e-shabāb kisī kā nigāh meñ

merī nazar ko aur tamāshā na chāhiye

saaqī kī ik nigāh pe mad.hosh bazm hai

gardish meñ ab to sāġhar-o-mīnā na chāhiye

chilman kī tīliyoñ se rukī kab nigāh-e-shauq

us par kabhī bhī bandish-e-bejā na chāhiye

sāqī-garī kī laaj rakho ye to ehtimām

koī bhī riñd bazm meñ pyāsā na chāhiye

farzāngī se tai huī kab manzil-e-hayāt

raḳht-e-safar meñ ik dil-e-dīvāna chāhiye

har har qadam pe soch ke chalnā ajiib hai

jiine ko kuchh to jur.at-e-rindāna chāhiye

kam hai 'habīb' umr ta.assuf ke vāste

duniyāñ ko baat baat pe jhuTlānā chāhiye

ulfat mein aisi laghzish-e-mastana chahiye

dar par tere giren to sambhalna na chahiye

hai aalam-e-shabab kisi ka nigah mein

meri nazar ko aur tamasha na chahiye

saqi ki ek nigah pe madhosh bazm hai

gardish mein ab to saghar-o-mina na chahiye

chilman ki tiliyon se ruki kab nigah-e-shauq

us par kabhi bhi bandish-e-beja na chahiye

saqi-gari ki laj rakho ye to ehtimam

koi bhi rind bazm mein pyasa na chahiye

farzangi se tai hui kab manzil-e-hayat

raKHt-e-safar mein ek dil-e-diwana chahiye

har har qadam pe soch ke chalna ajib hai

jine ko kuchh to jurat-e-rindana chahiye

kam hai 'habib' umr tassuf ke waste

duniyan ko baat baat pe jhuTlana chahiye