الفت میں کوئی بات چھپائی نہیں جاتی

الفت میں کوئی بات چھپائی نہیں جاتی

دیوار انا بیچ میں لائی نہیں جاتی

ہے دل مرا آزردہ مگر لب پہ ہنسی ہے

خوبی یہ ہر انسان میں پائی نہیں جاتی

ہم ہی چلو جھک جاتے ہیں اب سامنے ان کے

ان سے تو یہ دیوار گرائی نہیں جاتی

ناکردہ گناہوں کی سزا پائیں گے کب تک

منصف کے یہاں میری دہائی نہیں جاتی

اے کاش کوئی ہو جو مری وحشتیں بانٹے

اب دل کی خلش مجھ سے دبائی نہیں جاتی

ازکیٰؔ چلو اب کوچ کریں شہر سے ان کے

اب اور ہزیمت یہ اٹھائی نہیں جاتی