uljhao ka maza bhi teri baat hi mein tha
Interesting Fact
Gardbaad- Magazine
uljhāo kā maza bhī tirī baat hī meñ thā
terā javāb tire savālāt hī meñ thā
saaya kisī makīñ kā bhī jis par na paḌ sakā
vo ghar bhī shahr-e-dil ke mazāfāt hī meñ thā
ilzām kyā hai ye bhī na jaanā tamām umr
mulzim tamām umr havālāt hī meñ thā
yāroñ ko inhirāf kā jis par rahā ġhurūr
vo rāsta bhī dasht-e-rivāyāt hī meñ thā
ab to faqat badan kī muravvat hai darmiyāñ
thā rabt-e-jān-o-dil to shurūāt hī meñ thā
mujh ko jo qatl kar ke manātā rahā hai jashn
vo bad-nihād shaḳhs mirī zaat hī meñ thā
uljhao ka maza bhi teri baat hi mein tha
tera jawab tere sawalat hi mein tha
saya kisi makin ka bhi jis par na paD saka
wo ghar bhi shahr-e-dil ke mazafat hi mein tha
ilzam kya hai ye bhi na jaana tamam umr
mulzim tamam umr hawalat hi mein tha
yaron ko inhiraf ka jis par raha ghurur
wo rasta bhi dasht-e-riwayat hi mein tha
ab to faqat badan ki murawwat hai darmiyan
tha rabt-e-jaan-o-dil to shuruat hi mein tha
mujh ko jo qatl kar ke manata raha hai jashn
wo bad-nihad shaKHs meri zat hi mein tha
- Book : Sher-o-Hikmat (Pg. 862)
- Author : Shahryar, Mughni, Tabassum
- Publication : Maktaba-e-Sher-O-Hikmat (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
