umid-e-did kaam aae na aae

umīd-e-dīd kaam aa.e na aa.e

sahar aa.ī hai shaam aa.e na aa.e

mayassar hai nigāh-e-lutf-e-sāqī

hameñ kyā daur-e-jām aa.e na aa.e

sharāb āñkhoñ hī āñkhoñ meñ na pī luuñ

mire lab tak vo jaam aa.e na aa.e

sabā kartī to hai koshish barābar

tirā tarz-e-ḳhirām aa.e na aa.e

kalī chaTkī pahuñch jā.egī bulbul

sabā le kar payām aa.e na aa.e

mire dil meñ hai us kā lutf-e-guftār

but-e-shīrīñ-kalām aa.e na aa.e

sarāpā paikar-e-taslīm huuñ maiñ

kabhī un kā salām aa.e na aa.e

unheñ aatī hai merī yaad ab bhī

zabāñ par merā naam aa.e na aa.e

banā le jāvedāñ ulfat se is ko

kabhī phir aisī shaam aa.e na aa.e

maiñ raahī huuñ hai chalnā kaam merā

koī dilkash maqām aa.e na aa.e

nigāheñ un kī sab kuchh kah ga.ī haiñ

koī le kar payām aa.e na aa.e

'habīb' ahl-e-zabāñ se ham-suḳhan huuñ

vo andāz-e-kalām aa.e na aa.e

umid-e-did kaam aae na aae

sahar aai hai sham aae na aae

mayassar hai nigah-e-lutf-e-saqi

hamein kya daur-e-jam aae na aae

sharab aankhon hi aankhon mein na pi lun

mere lab tak wo jam aae na aae

saba karti to hai koshish barabar

tera tarz-e-KHiram aae na aae

kali chaTki pahunch jaegi bulbul

saba le kar payam aae na aae

mere dil mein hai us ka lutf-e-guftar

but-e-shirin-kalam aae na aae

sarapa paikar-e-taslim hun main

kabhi un ka salam aae na aae

unhen aati hai meri yaad ab bhi

zaban par mera nam aae na aae

bana le jawedan ulfat se is ko

kabhi phir aisi sham aae na aae

main rahi hun hai chalna kaam mera

koi dilkash maqam aae na aae

nigahen un ki sab kuchh kah gai hain

koi le kar payam aae na aae

'habib' ahl-e-zaban se ham-suKHan hun

wo andaz-e-kalam aae na aae