umr bhar duniya ko samjhata raha
umr bhar duniyā ko samjhātā rahā
ḳhud fareb-e-zindagī khātā rahā
raushnī āñkhoñ meñ baaqī thī na thī
vo nazar meñ thā nazar aatā rahā
zindagī kyā thī tire jaane ke ba.ad
saañs thā aatā rahā jaatā rahā
is tarah DhūñDhoge ik din tum mujhe
jaise kuchh khoyā gayā jaatā rahā
apnī sūrat hī na pahchānī ga.ī
vaqt ā.īna to dikhlātā rahā
apne hī TuuTe khilaunoñ se 'ra.īs'
zindagī bhar dil ko bahlātā rahā
umr bhar duniya ko samjhata raha
KHud fareb-e-zindagi khata raha
raushni aankhon mein baqi thi na thi
wo nazar mein tha nazar aata raha
zindagi kya thi tere jaane ke baad
sans tha aata raha jata raha
is tarah DhunDhoge ek din tum mujhe
jaise kuchh khoya gaya jata raha
apni surat hi na pahchani gai
waqt aaina to dikhlata raha
apne hi TuTe khilaunon se 'rais'
zindagi bhar dil ko bahlata raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
