umr bhar jis pe takiya raha kuchh na tha dil nahin manta

umr bhar jis pe takiya rahā kuchh na thā dil nahīñ māntā

kyā karūñ tajzyoñ kā aTal faisla dil nahīñ māntā

kauñd kar ek lamha jo phir jā milā vaqt ke abr meñ

chhoḌ degī use vaqt kī māmtā dil nahīñ māntā

ghup-añdhere se letī hai kyūñ-kar janm raushnī kī lagan

ye karishma nahīñ hai kisī sham.a kā dil nahīñ māntā

ḳhushk hī kyuuñ na ho jaa.e dariyā mirā lahr ban ban ke maiñ

DhūñDhnā chhoḌ duuñ ḳhushkiyoñ kā sirā dil nahīñ māntā

apne markaz ko ik vahm samjhā kiyā aql kā dā.era

jis ko kuchh apne dām-e-kashish ke sivā dil nahīñ māntā

us kī tasvīr ko dekhte dekhte ye huā kyā mujhe

ya.anī behis hai tasvīr kī har adā dil nahīñ māntā

dil meñ kuchh hai zabāñ se nikaltā hai kuchh baat aisī hai kuchh

merā matlab 'muhib' koī pā jā.egā dil nahīñ māntā

umr bhar jis pe takiya raha kuchh na tha dil nahin manta

kya karun tajzyon ka aTal faisla dil nahin manta

kaund kar ek lamha jo phir ja mila waqt ke abr mein

chhoD degi use waqt ki mamta dil nahin manta

ghup-andhere se leti hai kyun-kar janm raushni ki lagan

ye karishma nahin hai kisi shama ka dil nahin manta

KHushk hi kyun na ho jae dariya mera lahr ban ban ke main

DhunDhna chhoD dun KHushkiyon ka sira dil nahin manta

apne markaz ko ek wahm samjha kiya aql ka daera

jis ko kuchh apne dam-e-kashish ke siwa dil nahin manta

us ki taswir ko dekhte dekhte ye hua kya mujhe

yani behis hai taswir ki har ada dil nahin manta

dil mein kuchh hai zaban se nikalta hai kuchh baat aisi hai kuchh

mera matlab 'muhib' koi pa jaega dil nahin manta