umr-bhar ki talKH bedari ka saman ho gain

'umr-bhar kī talḳh bedārī kā sāmāñ ho ga.iiñ

haa.e vo rāteñ ki jo ḳhvāb-e-pareshāñ ho ga.iiñ

maiñ fidā us chāñd se chehre pe jis ke nuur se

mere ḳhvāboñ kī fazā.eñ yūsufistāñ ho ga.iiñ

'umr-bhar kam-baḳht ko phir niiñd aa saktī nahīñ

jis kī āñkhoñ par tirī zulfeñ pareshāñ ho ga.iiñ

dil ke pardoñ meñ thiiñ jo jo hasrateñ parda-nashīñ

aaj vo āñkhoñ meñ aañsū ban ke 'uryāñ ho ga.iiñ

kuchh tujhe bhī hai ḳhabar o sone vaale naaz se

merī rāteñ luT ga.iiñ nīñdeñ pareshāñ ho ga.iiñ

haa.e vo māyūsiyoñ meñ merī ummīdoñ kā rang

jo sitāroñ kī tarah uTh uTh ke pinhāñ ho ga.iiñ

bas karo o merī rone vaalī āñkhoñ bas karo

ab to apne zulm par vo bhī pashemāñ ho ga.iiñ

aah vo din jo na aa.e phir guzar jaane ke baa'd

haa.e vo rāteñ ki jo ḳhvāb-e-pareshāñ ho ga.iiñ

gulshan-e-dil meñ kahāñ 'aḳhtar' vo rañg-e-nau-bahār

ārzūeñ chand kaliyāñ thiiñ pareshāñ ho ga.iiñ

'umr-bhar ki talKH bedari ka saman ho gain

hae wo raaten ki jo KHwab-e-pareshan ho gain

main fida us chand se chehre pe jis ke nur se

mere KHwabon ki fazaen yusufistan ho gain

'umr-bhar kam-baKHt ko phir nind aa sakti nahin

jis ki aankhon par teri zulfen pareshan ho gain

dil ke pardon mein thin jo jo hasraten parda-nashin

aaj wo aankhon mein aansu ban ke 'uryan ho gain

kuchh tujhe bhi hai KHabar o sone wale naz se

meri raaten luT gain ninden pareshan ho gain

hae wo mayusiyon mein meri ummidon ka rang

jo sitaron ki tarah uTh uTh ke pinhan ho gain

bas karo o meri rone wali aankhon bas karo

ab to apne zulm par wo bhi pasheman ho gain

aah wo din jo na aae phir guzar jaane ke ba'd

hae wo raaten ki jo KHwab-e-pareshan ho gain

gulshan-e-dil mein kahan 'aKHtar' wo rang-e-nau-bahaar

aarzuen chand kaliyan thin pareshan ho gain