umr-bhar kis ne rawa rasm-e-wafa rakkhi hai

'umr-bhar kis ne ravā rasm-e-vafā rakkhī hai

tāq-e-nisyāñ meñ har ik dil kī sadā rakkhī hai

kal jise jaate hue chheḌ diyā thā tū ne

vo kalī aaj kahāñ bād-e-sabā rakkhī hai

tū ne jo baat kahī thī vo hameñ yaad nahīñ

terī tasvīr to kamre meñ lagā rakkhī hai

be-niyāzāna koī chhoḌ gayā duniyā ko

aur yahāñ aas ke dāman meñ du'ā rakkhī hai

haq ko haqdār se pahle hī uchak lete haiñ

is tarah ham ne baġhāvat kī binā rakkhī hai

ham to kahte haiñ use aaj bhī rahmān-o-rahīm

jis ne har haal meñ jiine kī sazā rakkhī hai

'umr-bhar kis ne rawa rasm-e-wafa rakkhi hai

taq-e-nisyan mein har ek dil ki sada rakkhi hai

kal jise jate hue chheD diya tha tu ne

wo kali aaj kahan baad-e-saba rakkhi hai

tu ne jo baat kahi thi wo hamein yaad nahin

teri taswir to kamre mein laga rakkhi hai

be-niyazana koi chhoD gaya duniya ko

aur yahan aas ke daman mein du'a rakkhi hai

haq ko haqdar se pahle hi uchak lete hain

is tarah hum ne baghawat ki bina rakkhi hai

hum to kahte hain use aaj bhi rahman-o-rahim

jis ne har haal mein jine ki saza rakkhi hai