umr bhar zist ki mahkar se bach bach ke chala

umr bhar ziist kī mahkār se bach bach ke chalā

dil jalā raunaq-e-bāzār se bach bach ke chalā

be-sulūkī ne burā.ī meñ bhī jaḌ pakḌī hai

kyoñ riyā-kār riyā-kār se bach bach ke chalā

is qadar apne gunāhoñ se aqīdat hai mujhe

umr bhar sāhab-e-kirdār se bach bach ke chalā

merī kuTiyā meñ ziyā-bār hai bujhtā sā diyā

chāñd kyoñ rauzan-e-dīvār se bach bach ke chalā

aa gayā vaqt ke āḳhir to shikanje meñ bhī vo

laakh jo vaqt kī raftār se bach bach ke chalā

sar pe dastār liye phirte haiñ qāmat se buland

maiñ har ik sāhab-e-dastār se bach bach ke chalā

hausla kaise kare bhaa.ī vo banñe kā kahār

'jān' chiḌiyoñ kī jo chahkār se bach bach ke chalā

umr bhar zist ki mahkar se bach bach ke chala

dil jala raunaq-e-bazar se bach bach ke chala

be-suluki ne burai mein bhi jaD pakDi hai

kyon riya-kar riya-kar se bach bach ke chala

is qadar apne gunahon se aqidat hai mujhe

umr bhar sahab-e-kirdar se bach bach ke chala

meri kuTiya mein ziya-bar hai bujhta sa diya

chand kyon rauzan-e-diwar se bach bach ke chala

aa gaya waqt ke aaKHir to shikanje mein bhi wo

lakh jo waqt ki raftar se bach bach ke chala

sar pe dastar liye phirte hain qamat se buland

main har ek sahab-e-dastar se bach bach ke chala

hausla kaise kare bhai wo banne ka kahaar

'jaan' chiDiyon ki jo chahkar se bach bach ke chala