umr guzri hai to phir hosh ko rab yaad aaya

umr guzrī hai to phir hosh ko rab yaad aayā

mar gayā shauq to phir is kā sabab yaad aayā

din kā āġhāz huā aañkh meñ aañsū aa.e

avval-e-shab kā ziyāñ āḳhir-e-shab yaad aayā

mujh ko to yaad nā thā us se judā ho jaanā

vo to batlāyā mujhe us ne to tab yaad aayā

ab ke shahroñ meñ bhī jañgal kī havā aisī chalī

maa.eñ bistar meñ chhupīñ bheḌiyā jab yaad aayā

merī tarah se vo yak-rañgī se tañg aayā to

din ko phir raat meñ Dhal jaane kā Dhab yaad aayā

umr guzri hai to phir hosh ko rab yaad aaya

mar gaya shauq to phir is ka sabab yaad aaya

din ka aaghaz hua aankh mein aansu aae

awwal-e-shab ka ziyan aaKHir-e-shab yaad aaya

mujh ko to yaad na tha us se juda ho jaana

wo to batlaya mujhe us ne to tab yaad aaya

ab ke shahron mein bhi jangal ki hawa aisi chali

maen bistar mein chhupin bheDiya jab yaad aaya

meri tarah se wo yak-rangi se tang aaya to

din ko phir raat mein Dhal jaane ka Dhab yaad aaya