umr guzri ki tujhe humne bhula rakkha hai

umr guzrī ki tujhe ham ne bhulā rakkhā hai

apne har jānñe vaale ko batā rakkhā hai

na sahī vasl koī jism to ho pahlū meñ

mujh ko tanhā.ī ne dīvāna banā rakkhā hai

haiñ nashe ke sabhī sāmān mire kamre meñ

aur ek taaq pe zāhid kā ḳhudā rakkhā hai

kul milā kar koī chaubīs haiñ ġham ulfat ke

in meñ ik ġham hai jise sab se judā rakkhā hai

jis kī lau dekh ke bhaTke hue aa jaate the

kuchh dinoñ se vo diyā ham ne bujhā rakkhā hai

zindagī kā mirī har baab ayaañ duniyā par

maiñ ne is tarah har ik aib chhupā rakkhā hai

umr guzri ki tujhe hum ne bhula rakkha hai

apne har jaanne wale ko bata rakkha hai

na sahi wasl koi jism to ho pahlu mein

mujh ko tanhai ne diwana bana rakkha hai

hain nashe ke sabhi saman mere kamre mein

aur ek taq pe zahid ka KHuda rakkha hai

kul mila kar koi chaubis hain gham ulfat ke

in mein ek gham hai jise sab se juda rakkha hai

jis ki lau dekh ke bhaTke hue aa jate the

kuchh dinon se wo diya hum ne bujha rakkha hai

zindagi ka meri har bab ayan duniya par

main ne is tarah har ek aib chhupa rakkha hai