عمر کا روگ ہو وہ لذت آغاز نہ دے

عمر کا روگ ہو وہ لذت آغاز نہ دے

میری ہستی کو فریب اے نگہ ناز نہ دے

ڈوبنے والے ابھرنے کا سلیقہ ہے یہی

ڈوب جا غم میں کسی کو مگر آواز نہ دے

بے نیازی ہے تغافل ہے کہ بے دردی ہے

میں تجھے ڈھونڈھتا رہ جاؤں تو آواز نہ دے

ایک ویرانہ و وحشت کدہ بن جائے جہاں

حسن دنیا کو اگر غمزہ و انداز نہ دے

تو وہ ظالم ہے کہ تو ظلم کرے ناز کرے

دل وہ شیشہ ہے کہ ٹوٹے بھی تو آواز نہ دے

کون بے درد زمانے میں سنے اس کی پکار

دار پر چڑھ کے زمانے کو جو آواز نہ دے

اس کی معصوم نگاہوں کی قسم ہے عارفؔ

درد ہے کس کی امانت کبھی یہ راز نہ دے