umr se laDne gae jo KHwab sare Dhah gae

umr se laḌne ga.e jo ḳhvāb saare Dhah ga.e

ret ke ghar saare ik mauj ravāñ meñ bah ga.e

lamha lamha ek ta.amīr-e-musalsal thī hayāt

aah lekin niiñv ke lamhe hī bāhar rah ga.e

har kisī ke andarūñ meñ jhāñknā mumkin na thā

par zarā paa.ī vo ḳhushbū phir to tah-dar-tah ga.e

mausam-e-hijrāñ meñ ye bārish ye ḳhushbū ye ghaTā

kyā ye kuchh kam thā ke ham phūloñ kā khilnā sah ga.e

achchhā achchhā aap haiñ vo jo haiñ duniyā se alag

ittifāqan ye hī saare duniyā vaale ki ga.e

umr se laDne gae jo KHwab sare Dhah gae

ret ke ghar sare ek mauj rawan mein bah gae

lamha lamha ek tamir-e-musalsal thi hayat

aah lekin ninw ke lamhe hi bahar rah gae

har kisi ke andarun mein jhankna mumkin na tha

par zara pai wo KHushbu phir to tah-dar-tah gae

mausam-e-hijran mein ye barish ye KHushbu ye ghaTa

kya ye kuchh kam tha ke hum phulon ka khilna sah gae

achchha achchha aap hain wo jo hain duniya se alag

ittifaqan ye hi sare duniya wale ki gae