umud ho ke ufuq mein badal rahe hain sutun
umuud ho ke ufuq meñ badal rahe haiñ sutūn
dahal rahī hai imārat pighal rahe haiñ sutūn
binā hī khokhlī Thahrī to kyā urūj-o-zavāl
shikastagī kī alāmat meñ Dhal rahe haiñ sutūn
chhateñ to gir ga.iiñ shahtīr kī ḳharābī se
ye kis kā bojh uThā.e sambhal rahe haiñ sutūn
havā ke ruḳh ne nayā marsiya likhā hai jahāñ
bhaḌak uThī hai vahīñ aag jal rahe haiñ sutūn
nidā hai kaisī zamīñ ai zamīñ ḳhabar to le
ki band kamroñ kā sab raaz ugal rahe haiñ sutūn
badalte lamhoñ ko ginte hue haiñ istāda
nazar kā zāviya kahtā hai chal rahe haiñ sutūn
umud ho ke ufuq mein badal rahe hain sutun
dahal rahi hai imarat pighal rahe hain sutun
bina hi khokhli Thahri to kya uruj-o-zawal
shikastagi ki alamat mein Dhal rahe hain sutun
chhaten to gir gain shahtir ki KHarabi se
ye kis ka bojh uThae sambhal rahe hain sutun
hawa ke ruKH ne naya marsiya likha hai jahan
bhaDak uThi hai wahin aag jal rahe hain sutun
nida hai kaisi zamin ai zamin KHabar to le
ki band kamron ka sab raaz ugal rahe hain sutun
badalte lamhon ko ginte hue hain istada
nazar ka zawiya kahta hai chal rahe hain sutun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
