un aankhon ko nazar kya aa gaya hai
un āñkhoñ ko nazar kyā aa gayā hai
mizāj-e-ārzū badlā huā hai
na jaane haar hai yā jiit kyā hai
ġhamoñ par muskurānā aa gayā hai
mirī hālat pe un kā muskurānā
javāb-e-nā-murādī aa gayā hai
nahīñ ik maiñ hī nākām-e-mohabbat
yahī pahle bhī aksar ho chukā hai
sabā kī rau na ġhunchoñ kā tabassum
chaman vaalo kaho kyā ho gayā hai
shab-e-ġham sahmī sahmī yaad un kī
añdhere meñ diyā sā jal rahā hai
nahīñ miltā surāġh-e-manzil-e-shauq
mohabbat se bhī jī ghabrā gayā hai
un aankhon ko nazar kya aa gaya hai
mizaj-e-arzu badla hua hai
na jaane haar hai ya jit kya hai
ghamon par muskurana aa gaya hai
meri haalat pe un ka muskurana
jawab-e-na-muradi aa gaya hai
nahin ek main hi nakaam-e-mohabbat
yahi pahle bhi aksar ho chuka hai
saba ki rau na ghunchon ka tabassum
chaman walo kaho kya ho gaya hai
shab-e-gham sahmi sahmi yaad un ki
andhere mein diya sa jal raha hai
nahin milta suragh-e-manzil-e-shauq
mohabbat se bhi ji ghabra gaya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
