ان دنوں کا ذکر ہے جب اس کو دیکھا بھی نہ تھا

ان دنوں کا ذکر ہے جب اس کو دیکھا بھی نہ تھا

ذہن میں واضح کوئی حرف تمنا بھی نہ تھا

اب مگر وہ دل کے قریے قریے میں آباد ہے

ہاں گزشتہ وقت میں کچھ اتنا پیارا بھی نہ تھا

اور آنکھیں اک عجب سے نور سے سیراب تھیں

اس کا چہرہ ہاتھوں میں تھا چاند نکلا بھی نہ تھا

اس قدر سرشار تھے ہم پیار کے احساس میں

طے ہوئی کب وصل منزل دھیان آیا بھی نہ تھا

آج سوچوں تو کوئی اک خواب سا لگتی ہے وہ

اس سے ملنا باتیں کرنا خواب ایسا بھی نہ تھا