un ka mansha hai na phaile KHas-o-KHashak mein aag

un kā manshā hai na phaile ḳhas-o-ḳhāshāk meñ aag

ātish-e-dil na lagā dīda-e-namnāk meñ aag

barq-e-ġham ban ke jo ehsās-e-nazar phūñk ga.ī

is qadar thī tire ik jumla-e-be-bāk meñ aag

sho.ala-e-mai kī navāzish hai to lag jā.egī

sāz-e-hastī ke har ik naġhma-e-nāpāk meñ aag

un ke āñgan meñ bhī añgāre baras jā.eñge

āh-e-sozāñ na lagā dāman-e-aflāk meñ aag

qāfile aur bhī manzil kī taraf aate haiñ

tum sar-e-rāh dabāo na abhī ḳhaak meñ aag

shukr hai us kī tamannā huī puurī yārab

tere dīvāne kī muddat se rahī taak meñ aag

chashm-e-fitrat se Tapaktā hai mohabbat kā jalāl

phail jaa.e na kahīñ ālam-e-idrāk meñ aag

un ka mansha hai na phaile KHas-o-KHashak mein aag

aatish-e-dil na laga dida-e-namnak mein aag

barq-e-gham ban ke jo ehsas-e-nazar phunk gai

is qadar thi tere ek jumla-e-be-bak mein aag

shoala-e-mai ki nawazish hai to lag jaegi

saz-e-hasti ke har ek naghma-e-napak mein aag

un ke aangan mein bhi angare baras jaenge

aah-e-sozan na laga daman-e-aflak mein aag

qafile aur bhi manzil ki taraf aate hain

tum sar-e-rah dabao na abhi KHak mein aag

shukr hai us ki tamanna hui puri yarab

tere diwane ki muddat se rahi tak mein aag

chashm-e-fitrat se Tapakta hai mohabbat ka jalal

phail jae na kahin aalam-e-idrak mein aag