ان کے جور و جفا ان کے ظلم و ستم سارے عالم میں معروف و مشہور ہیں

ان کے جور و جفا ان کے ظلم و ستم سارے عالم میں معروف و مشہور ہیں

کیا کریں دل مگر مانتا ہی نہیں دل کے ہاتھوں بڑے ہم تو مجبور ہیں

واہ واہ شیخ جی آپ بھی خوب ہیں اتنے تڑکے چلے آ گئے ہیں یہاں

رات پی لی تھی ہم نے بہت تیز تر کیا ملیں کیا کہیں اب تو معذور ہیں

کیا وہ آئے بھی تھے کیا چلے بھی گئے کیا سبب ہے کہ ہلتی ہے زنجیر بھی

ہو گئی ہے سحر پر نہیں ہے خبر کب چڑھا تھا نشہ کب سے مخمور ہیں

بولا جا کے کوئی وہ جو ہیں بے خطا جن کو کہتے ہیں سب عاجزؔ بے وفا

ہیں وہی زیب سنگ در آستاں جم کے بیٹھے ہیں اور شاد و مسرور ہیں