un ke jaur-o-jafa un ke zulm-o-sitam sare aalam mein maruf-o-mashhur hain

un ke jaur-o-jafā un ke zulm-o-sitam saare aalam meñ ma.arūf-o-mash.hūr haiñ

kyā kareñ dil magar māntā hī nahīñ dil ke hāthoñ baḌe ham to majbūr haiñ

vaah vaah shaiḳh jī aap bhī ḳhuub haiñ itne taḌke chale aa ga.e haiñ yahāñ

raat pī lī thī ham ne bahut tez-tar kyā mileñ kyā kaheñ ab to ma.azūr haiñ

kyā vo aa.e bhī the kyā chale bhī ga.e kyā sabab hai ki hiltī hai zanjīr bhī

ho ga.ī hai sahar par nahīñ hai ḳhabar kab chaḌhā thā nasha kab se maḳhmūr haiñ

bolā jā ke koī vo jo haiñ be-ḳhatā jin ko kahte haiñ sab 'ājiz'-e-bevafā

haiñ vahī zeb-e-sang-e-dar-e-āstāñ jam ke baiThe haiñ aur shād-o-masrūr haiñ

un ke jaur-o-jafa un ke zulm-o-sitam sare aalam mein maruf-o-mashhur hain

kya karen dil magar manta hi nahin dil ke hathon baDe hum to majbur hain

wah wah shaiKH ji aap bhi KHub hain itne taDke chale aa gae hain yahan

raat pi li thi hum ne bahut tez-tar kya milen kya kahen ab to mazur hain

kya wo aae bhi the kya chale bhi gae kya sabab hai ki hilti hai zanjir bhi

ho gai hai sahar par nahin hai KHabar kab chaDha tha nasha kab se maKHmur hain

bola ja ke koi wo jo hain be-KHata jin ko kahte hain sab 'ajiz'-e-bewafa

hain wahi zeb-e-sang-e-dar-e-astan jam ke baiThe hain aur shad-o-masrur hain